Nordic Fashion Biennale: Hönnuðir

Hönnuðir sem taka þátt í sýningunni Frammi fyrir sköpunarkraftinum

asta creative clothes (IS), Anna Kristin Bæk (FO), Barbara i Gongini (FO), Else Møller (GRL), Mundi (IS) Spaksmannsspjarir (IS) og STEiNUNN (IS)

Ásta Vilhelmína Guðmundsdóttir (b. 1963) nam tískuhönnun við Pforzheim háskóla og lauk námi árið 1990. Á árunum 1996 til 1997 sótti hún nám við Ríkisakademíuna í listum og hönnun í Stuttgart en hún hafði unnið fyrir Ríkisleiðhúsið í Stuttgart allt frá árinu 1989. Ásta hannaði leikbúninga fram til ársins 2000, t.d. fyrir söngleikinn Evítu í Íslensku óperunni og fyrir sýningarskála Íslands á Expo-2000 heimssýningunni í Hannover. Hún stofnaði sitt eigið vörumerki asta crative clothes, árið 2000.

Anna Kristin Bæk (f. 1978) hefur unnið í leikhúsum og að fatahönnun frá unga aldri. Hún fluttist til Kaupmannahafnar eftir stúdentspróf þar sem hún gékk í Leik- og kvikmyndaskóla en nam síðar leikhúsfræði við Háskólann í Kaupmannahöfn. Því næst lá leiðin í Columbineskolen �" Alþjóðlegan tísku- og hönnunarskóla og hún útskrifaðist þaðan sem tískuhönnuður árið 2002. Árið 2005 öðlaðist hún meistaragráðu í hönnunarfræðum frá Hellerup Textile Academy.

ANNABAEK hóf að vinna sjálfstætt á meðan á náminu stóð. Hún hefur hannað búninga fyrir dansflokka, kóra og söngleiki. Hún er ennfremur einkahönnuður dönsku þjóðlagasöngkonunnar Stine Michel. Anna Kristin Bæk fékk óvæntan hróður þegar hún tók að sér búningahönnun fyrir söngleikinn Joseph and the Amazing Technicolor Dreamcoat eftir Andrew Lloyd Webber sem var settur upp í Norræna húsinu í Færeyjum �" sýningin sló öll aðsóknarmet á Færeyjum. Hún hannaði búninga fyrir liðlega 80 leikara, söngvara, dansara og hljóðfæraleikara. Sagan endurtók sig árið 2006 þegar hún hannaði búninga fyrir söngleikinn Fame.
Anna Kristin Bæk hefur einnig unnið með dönskum leihúsum. Hún hefur verið starfsnemi hjá Café Teatret en einnig í stutt tímabil hjá Plan B og Den Anden Opera. Á milli 2006 og 2007 var hún aðstoðarbúningahönnuður hjá Husets Teater í Kaupmannahöfn. Á þessu tímabili vann hún hlutastarf sem klæðskeri hjá Fleur Pearsson Skrædderi, Kaupmannahöfn.

bARBARA Í gONGINI útskrifaðist frá Hönnunarskóla Danmerkur, Institute of Unica Design árið 1996. Hún hefur tekið þátt í mörgum hönnunartengdum verkefnum og fengið verðlaun og styrki fyrir hönnun sína. Ennfremur hefur Barbara Í Gongini verið meðlimur í hönnunardómnefndum o.fl. Árið 2008 fékk Barbara Í Gongini vinnustyrk frá dönsku listaakademíunni, deild innan danska Menningarmálaráðuneytisins.

Mundi eða Guðmundur Hallgrímsson (f 1987). Eftir að hafa stundað stutt nám við HM og eitt ár í keramík við Iðnskólann, sótti Mundi um inngöngu í Listaháskólann og var tekinn þar inn þó hann væri aðeins 18 ára. Á þessum tíma vann hann sem grafískur hönnuður á auglýsingastofunni Argusi.
Mundi hefur verið í fatahönnun síðan 2006 ásamt alls kyns listastafi s.s. grafískri hönnun, málun og teiknun auk innsetninga. En hann er einmitt meðlimur í listagrúppunni MoMS og hefur einnig starfað með Geletin International m.a. á Feneyja Tvíæringnum og á fleiri stöðum innanlands og erlendis, með innsetningar og aðra listviðburði.

Fatamerkið MUNDI var stofnað 2007 og er AW09 ”The Guts of our Forfathers” fjórða fatalínalínan síðan fyrirtækið var stofnað.

Steinunn Sigurðardóttir (b. 1960) nam við Handíða- og myndlistaskóla Ísland árin 1981-82. Á árunum 1982-86 hélt hún áfram námi í New York í tískuhönnunardeild Parsons School of Design og lauk þaðan prófi með láði. Árin 1986-87 vann hún við hlið Carmelo Pomodoro og hóf svo störf hjá Polo/Ralph Lauren, þar sem hún bar ábyrgð á prjónuðum fatnaði og rannsóknum á garni hjá tískulínudeild fyrirtækisins. Á árunum 1988-89 var Steinunn sjálfstæður hönnuður á vörulínu prjónaðs fatnaðar hjá CK Sport og hjá CK jeans og CK Home furnishing frá 1989 til 1995. Á árunum 1995 til 2000 stýrði hún hönnunardeild Gucci Group. Hún hannaði heildstæða prêt-à-porter fatalínu fyrir La Perla árin 2000 til 2002 þar sem hún starfaði sem hönnunarstjóri. Steinunn kom sínu eigin merki, STEiNUNN, á fót árið 2000.

Tískumerkið Spaksmannsspjarir var stofnsett árið 1993 af hönnuðunum Björg Ingadóttur (f. 1963) og Völu Torfadóttur (f. 1955). Björg nam við tískuhönnunarskólann í Kaupmannahöfn en Vala lauk nám við Handíða- og myndlistaskóla Íslands árið 1979.

Hönnuðir sem taka þátt í Laboratory

asta creative clothes (IS), Barbara Í Gongini (FO), Gudrun & Gudrun (FO), Isaksen design (GRL), Else Lennert (GRL), Nauja Lynge Lyngesen (GRL), Mundi (IS) og STEiNUNN (IS)

Hönnuðir er taka þátt í skartgripasýningunni

Aurum (IS), Nauja Lynge Lyngesen (GRL), Dýrfinna(IS), Helga R. Mogensen (IS) og Barbara i Gongini (FO)

Hönnuðir er taka þátt í fyrirlestrum og öðrum viðburðum

Steinunn Sigurdadottir (IS), Nauja Lynge Lyngesen (GRL), Mundi (IS) ...

NORDIC HOUSE - Sturlugötu 5 - 101 Reykjavík - Ísland Opening Hours: Mo-Sun 8pm - 7pm

Download complete NFB program as PDF

<					April 2009
Su	Má	Þr	Mi	Fi	Fö	La
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30