Nordic Fashion Biennale: Viðburðir

Sýningar

19.03.2009 - 5.04.2009 Frammi fyrir sköpunarkraftinum - Norræn fatahönnun

Frammi fyrir sköpunarkraftinum - Norræn tískuhönnun frá: asta creative clothes (IS), Anna Kristin Bæk (FO), Barbara i Gongini (FO), Mundi (IS), Else Møller (GRL), Spakmannsspjarir (IS) og STEiNUNN (IS) . Sýningastjóri er Matthias Wagner K frá Berlín.

Tískuhönnun er mikilvægur þáttur í norrænni menningu og samsömun. Hönnuðirnir leggja mikla áherslu á sjónræna tjáningu sína, skilning og sköpunargleði og þar af leiðandi má líta á norræna tískuhönnun sem hreinræktað listform. Snið og klæðnaður allur einkennist af nútímalegum og kvenlegum þokka þar sem málið snýst ekki um örar breytingar tískuheimsins heldur áherslu á viðmót, afstöðu og einstaklingsbundinn persónuleika þess sem klæðist fatnaðinum. Hönnuðirnir hafna öllum tilraunum til þess að hnattvæða tískuna. Þeir fylgja eftir þróun sem hófst á níunda áratug síðustu aldar með ungum hönnuðum á borð við Dries van Noten, Ann Demeulemeester og Martin Margiela. Þau snerust gegn tískuheimi þar sem París var upphaf og endir alls en stóðu fyrir listrænni nálgun sem hefur engin tengsl við hina ruddalegu "samræmdu heimstísku" eða þjóðleg uppgerðaráhrif.

Norrænir hönnuðir leggja ekki aðeins af mörkum einstaka listræna snilld sína og verkkunnáttu. Þeir sýna einnig fram á að tækni og hefðir þurfa ekki að þýða rof á tengslum nútímans og þess sem liðið er. Borgarmenning og skilningur hvers og eins á þjóðlegum arfi sínum eiga því samleið. Verk þeirra einkennast af andstæðum sem virðast í fljótu bragði ósamrýmanlegar en renna þó saman í eitt í heildstæðum textilverkum.

Norrænir hönnuðir eru í forystuhlutverki og koma með nýjar og frábrugðnar víddir inn í heim gallabuxna, íþróttaskóa og jakkafata.

19.03.2009 - 5.04.2009 Norræn götutíska- Ljósmyndir

Götutíska:Færeyjar, Ísland og Grænland

Gréta Kristín from Akureyri, Iceland.

Þessi ljósmyndasýning er hugsuð sem ögrun við staðlaðar ímyndir okkar af hvoru öðru en einnig til þess gerð að færa okkur nær hvort öðru. Spegla okkur, skoða og sjá hvernig ímyndin og raunveruleikinn eiga saman. Eru Færeyingar eins og þú hélst? Er rof milli þeirrar ímyndar sem íslendingar gefa af sér og hvernig þeir koma fyrir á götunni? Eru tengsl milli uppáhaldsmatar og hvaðan þú kemur? Hugsum við eins um klæðnað og hve miklu máli skiptir tíska okkur þegar kemur að því að skilgreina hver við erum?

19.03.2009 - 5.04.2009 Tilraunastofa

Hvernig verður tískuhönnun til? Hvað hefur áhrif á innblástur norrænu tískuhönnuðina? Hvað gerir þá ólíka starfsbræðrum sínum á meginlandi Evrópu? Hversu mikilvæg eru hugtök eins og sjálfbærni, félagslegar aðstæður, alheimsvæðing, vistfræði og efnahagur? Hvaða efniviður er ríkjandi?

Til að svara þessum og öðrum spurningum hefur fyrsti NORRÆNI TÍSKUTVÍÆRINGURINN kallað saman málþing ; tilraunastofu. Það gefur gestum tækifæri til að líta bak við tjöldin hjá norrænum fatahönnuðum og sýnir vinnuferlið með hjálp efnis-sýnishorna, yfirlýsinga og endanlegri afurð.

19.03.2009 - 5.04.2009 Skartgripir frá Færeyjum, Grænlandi og Íslandi

�"skin eftir að fegra sig er eins gömul og mannkynið sjálft. Í byrjun tíðkaðist líkamsmálun með náttúrulitum en það þróaðist út í fjölmörg afbrigði af líkamsskrauti. Slíkt líkamsskraut táknaði lengi vel stöðu hvers og eins innan samfélagsins. Í nútímanum er skart helst til notað til yndisauka og fegrunar eða er hluti af tískulínum. Samt sem áður eru engin höft eða bönn-hægt er að blanda hinu ómögulega við hið mögulega. Hönnunin einskorðast aðeins við ímyndunarafl hönnuðarins.

Sérsýningin Skartgripir frá Færeyjum, Grænlandi og Íslandi kynnir skartgripahönnuði ásamt verkum þeirra.

Hönnunarmars

26.03.2009 - 29.03.2009 Rísa undir nafni: Ljósmyndasýning

Rísa undir nafni: Ljósmyndasýning sem Fatahönnunarfélag Íslands hefur látið gera í samstarfi við Norræna húsið. Bjarni Einarsson, ljósmyndari, sækir fatahönnuði heim og skrásetur með ljósmyndum fatahönnuði í sínum daglegu störfum á Þorra og Góu 2009.

26.03.2009 - 29.03.2009 7 Gluggar

Sjö íslensk fyrirtæki sem selja vöru sína bæði innanlands og á vörusýningum erlendis, gefa almenningi tækifæri til að sjá hvað þau hafa uppá að bjóða næsta vetur 2009-2010. 7 gluggar er hluti af Nordic Fashion Biennale, fyrsta tvíæringnum þar sem tíska er í öndvegi en þar getur að líta rjóma vest-Norrænnar hönnunar valda af sýningastjóranum Matthias Wagner K . Þau fyrirtæki sem sýna í 7 gluggum í Norræna húsinu eru: Andersen & Lauth, BIRNA,ELM, Farmers Market, Hanna, Mundi, NIKITA .

26.03.2009 - 29.03.2009 Möguleikar 2009: Heimildarmynd um íslenska fatahönnuði eftir Þorsteinn J

Mynd sem Fatahönnunarfélag Íslands hefur látið gera í samstarfi við Norræna húsið. Í myndinni er staðan tekin á íslenskri fatahönnun eins og hún er í dag. Fjöldinn allur af ólíkum og spennandi hönnuðum starfa í faginu á Íslandi, og selja vörur sínar útum allan heim. Margbreytileikinn einkennir mjög litrófið hjá íslenskum fyrirtækjum í fatahönnun eins og staðan er.
Myndin er sýnd 26., 27., og 28.mars kl. 15:00 og 17.00
En hvað einkennir hönnunina þetta árið, hverjir eru möguleikarnir og hvar eru tækifærin? Þessu svara 10 íslenskir fatahönnuðir og velta upp spennandi möguleikum og hugmyndum. Umsjón með gerð myndarinnar hefur Þorsteinn J. Vilhjálmsson og honum til aðstoðar er Gunnar Hilmarsson.

27.03.2009, 20:00 Markaðstorg á Biennale barnum

27.03.2009, 20:00 Hönnun á hvíta tjaldinu

Friday 20-23 // presented by Goddur
KOOLHAAS HOUSELIFE (2008)
frumsýning á Íslandi
(heimildarmynd)
58 min

Mon oncle (1958)
(Kvikmynd)
117 min

28.03.2009, 20:00 Hönnun á hvíta tjaldinu

Saturday 20-24 // presented by Guja Dögg Hauksdóttir

My Architect (2003)
(heimildarmynd)
116 min

The Fountainhead (1949)
(Kvikmynd)
114 min

29.03.2009, 16:30 Tískuveisla!

Fatahönnunarfélag Íslands í samstarfi við Norræna húsið, býður öllum sem áhuga hafa á uppá tískuveislu þann 29. mars kl. 16:30 í Norræna húsinu. Íslenskir fatahönnuðir sýna nýjustu strauma í fatatískunni næsta vetrar 2009-2010. Boðið verður upp á stórsýningu þar sem fjölbreytileikinn verður látinn njóta sín. Þetta er tískusýning, veisla og tónlistarhátíð og lokahnykkurinn á hönnunardögum þetta árið.

Biennale Barinn

22.03.2009, 14:00 Leiðsögn um sýninguna 23.03.2009, 16:00 Tískublogg og tískustraumar

Tískublogg eru mjög áhrifarík í tískuheiminum og þau frægustu fá þúsundir heimsókna dag hvern. Ása Ottesen, sem heldur úti síðunni Trendland, segir okkur allt um tískubloggin og trend ársins 2009.

23.03.2009, 17:00 Nordic Look: Kynning

24.03.2009, 20:00 Project Iceland: Charlie Strand segir frá bók sinni um tónlist, tísku og listir á Íslandi. Ultra Mega Teknóbandið Stefán spilar og Dj Sykur kyndir undir.

Charlie Strand segir frá verkefninu: Project Iceland, nýrri bók um íslenska tísku.

www.charliestrand.com
Ultra Mega Teknó Band Stefán at Myspace

25.03.2009, 16:00 Tónleikar: Sudden Weather Change

27.03.2009, 17:00 NUNO textílhönnun: Reiko Sudo, forstjóri NUNO, flytur erindi.

28.03.2009, 14:00 Lisa Mitina ,Arctic Media Group, Murmansk, kynnir Barents tískuvikuna 30.03.2009, 16:00 Sjálfbær Háskóli

Nemendur áfangans, Sustainable Future, í Háskóla Íslands kynna niðurstöður sínar um Sjálfbæran Háskóla í Norræna húsinu kl. 16.00 á Biennale barnum. Þessi viðburður er lokahnykkurinn í einu þema norræna tískutvíærings sem er nefnilega sjálfbærni. Við hvetjum alla sem hafa áhuga á þessu málefni til að koma í Norræna húsið og heyra af framtíðarsýn nemandanna.

31.03.2009, 16:00 Tónleikar: Mammút

1.04.2009, 16:00 Netmarkaðssetning: Einar Þór Gústafsson vefstjóri Íslandsbanka kynnir leiðir til markaðsetningar á netinu

2.04.2009, 16:00 Tónleikar: Agent Fresco

3.04.2009, 16:00 Tónleikar: Skakkamanage

4.04.2009, 14:00 Védís Jónsdóttir prjónahönnuður Ístexs segir frá hönnun sinni

Ráðstefnur

24.03.2009 Meðvituð um tískuna: Sjálfbærni og tískuiðnaðurinn

Meðvituð um tískuna: Ráðstefna um tísku og sjálfbærni

Tíska snýst ekki einungis um ytra útlit, gæði né verðmiða. Tískuiðnaðurinn er einn mengaðasti iðnaðurinn í heiminum í dag. Hönnuðir og framleiðendur þurfa því að horfast í augu við samfélagslega ábyrgð sína í framleiðsluferlinu. Svo tískuhönnun geti talist sjálfbær þarf að taka tillit til margra þátta s.s. sanngjarnra viðskiptahátta, lífræns fatnaðar, dýraverndar og þróun textíls.

Þeir fyrirlesarar sem taka þátt í ráðstefnunni eru sérfræðingar á sínu sviði og munu varpa ljósi á margvíslegar hliðar er snerta sjálfbæra fataframleiðslu og hönnun.

9.30 Fundarstjóri ávarpar ráðstefnuna
Mary Frances Davidson

9.45 Turning Concience into Activism.
Ann Thorpe-Prófessor við arkitektúrskólann Bartlett við University College of London og Open University í Bretlandi

10:05 Transparency as a keyfactor for growth
Karin Stenmar hönnuður DEM collective gallabuxna úr lífrænum efnivið.

10.20 Kaffipása

10.30 Heimildarmynd: 100% Baumwolle: Made in India

11. 10 Clean Clothes - An ethical perspective on fashion

Malin Eriksson stofnandi Rena Klader/ Clean Clothes Campaign í Svíþjóð.

11. 30 Sustainable Future

Kristín Vala Ragnarsdóttir, forseti verk- og náttúrufræðideildar Háskóla Íslands.

11. 50 Spurningar úr sal.

12.30 Lokaorð

Ann Thorpe er höfundur bókarinnar The Designers-Atlast of Sustainability. Bókin gefur greinagóða yfirsýn yfir meginþræði sjálfbærrar hönnunar- samfélag, efnahag og menningar-og hvernig hönnuðir nálgast þau.
www.designers-atlas.net

Karin Stenmar er einn af stofnendum Dem Collective. Karin er með bakgrunn í upplýsingatækni og margvíslegri markaðsetningu: Allt frá tónlistarbransanum yfir í sjálfbær viðskipti:samfélagslega ábyrgð fyrirtækja og umhverfisstefnu þeirra.

Malin Eriksson er einn af tveim stofnendum samtakanna Hreinna klæða-Clean Clothes-í Svíþjóð. Þau einbeita sér að bættum starfsháttum í hinum alþjóðlega fataiðnaði.
www.renaklader.org

Kristín Vala Ragnarsdóttir er nýr forseti verk- og náttúrufræðisviðs Háskóla Íslands. Kristín Vala Ragnarsdóttir lauk námi í jarðfræði við Háskóla Íslands árið 1979 og doktorsprófi frá Northwestern University í Bandaríkjunum árið 1984. Eftir að hafa sinnt rannsóknastörfum í París og við Northwestern háskólann réði hún sig til starfa við Háskólann í Bristol í Englandi árið 1989. Kristín Vala varð prófessor við sama skóla árið 2001. Fyrsta námskeiðið sem hún kennir við HÍ nefnist Sustainable Future og munu nemendur hennar kynna afrakstur sinn af námskeiðinu þann 30. mars í Norræna húsinu.

Skráning: ilmur@nordice.is

29.03.2009 Endurskilgreining hins vestnorræna- ráðstefna um framtíð fatahönnunar og tísku frá svæðinu.

Á þessari ráðstefnu ræðum við sameiginlega hagsmuni vestnorrænna þjóða og hugsanlegan ávinning þeirra af sameiginlegri markaðssetningu í framtíðinni. Hvað skilgreinir hinar vestnorrænu þjóðir? Hver er ávinningurinn af sameiginlegri markaðssetningu? Hverjir eru kostir og gallar sameiginlegrar markaðssetningar? Á hvaða sviði getur samstarf vestnorrænna þjóða blómstrað? Leynt og ljóst skapa hönnuðir ímynd þess lands sem þeir koma frá. Lengi hafa norrænir hönnuðir leitað innblásturs til náttúrunnar, lita hennar og krafts. Þannig getur góð hönnun átt þátt í að skapa jákvæða ímynd af landi og þjóð.

Staður: Nordic House Reykjavik
Tími: Sunday 29 March 2009 from 12.00 - 16.30
Fundarstjóri: Annleyg Lamhauge, ritstjóri of the Faroese women’s magazine Kvinna

Programme

12.00 Max Dager , forstjóri Norræna hússins.
Opnunarávarp

12.10 Jákup Sørensen, forstjóri NORA.
Kynningarávarp frá NORA

12.15 Tom Fleming and Nneka Ugboma, ráðgjafar innan skapandi atvinnuvegs.
'Embracing the Desire Lines: Re-fashioning the Creative Economy'

13.00 Norrænn matur frá veitingastaðnum Dill.

13.40 Steinunn Sigurdardottir, fatahönnuður.
‘Personal style in an international environment’

14.00 Nauja Lynge Lyngesen, fatahönnuður frá Grænlandi.
‘Storytelling �" a powerful tool for Greenland’

14.15 Ylva Holby, fatahönnuður frá Noregi.
‘Branding Norwegian fashion - Strengthening and promoting values and identity in the international market.’

14.30 ‘Two one side’
Mynd eftir Marmar fyrir færeyska hönnuðinn Barbara í Gongini

14.40 Kaffipása

15.00 Peter Jensen, fatahönnuður frá Danmörku.
‘West-Nordic inspiration on the London catwalk’

15.15 Heini Zachariassen, fjárfestir.
‘Give Chance a Chance’

15.35 Sverrir Bjørnsson, forstjóri auglýsingastofunnar, Hvíta hússins.
‘Joint Marketing �" or not?’

15.50 Kaffipása

16.00 Spurningar úr sal.

16.30 Lokaorð.

Etir að ráðstefnu lýkur er Tískuveisla Fatahönnunarfélags Íslands í Norræna húsinu sem einnig er lokahóf HönnunarMars.

Ráðstefnan fer fram á ensku.

Ráðstefnan er unnin í samvinnu við NORA:

Vinsamlegast skráið ykkur á ráðstefnuna hjá Ilmi: ilmur@nordice.is

Fyrirlestrar

20.03.2009, 12:00 "Um sjálfbærni í fatahönnun og klæðaburði: Hvað þarf að kenna? Hvað þurfum við að læra?"eftir Karl Aspelund.

Um fyrirlesturinn:

Fata- og textíiðnaðurinn hafa lengi vel ekki verið barnanna best í tengslum við umhverfispöll. Áríðandi er að innleiða sjálfbærar aðferðir, sem ná yfir allt vistferli fatnaðarins. Slíkar aðferðir krefjast endurskoðunar á hönnunaraðferðum sem og venjum neytenda. Ný viðmið og endurskoðaðar aðferðir verða að eiga sér rætur í kennslustofum, hönnunarstofum, á heimilum, og á okkur sjálfum. Fræðsla, hvort sem hún er miðuð við skólafólk, fagfólk eða almenning, þarf að vera hnitmiðuð og af sterkum grunni. Farið verður yfir helstu atriði frá sjónarhóli hönnunarkennslu og þrjú meginatriði til uppfræðslu fagfólks og almennings verða útskýrð og sett í samhengi við íslenskar aðstæður.

Karl Aspelund kennir fatahönnun í Bandaríkjunum, við University of Rhode Island og stundar nám til doktorsgráðu við Boston University. Áhugasvið hans er samspil fatahönnunar og sjálfsmyndar þjóða og um þessar mundir er hann að hefja rannsókn á stöðu og merkingu þjóðbúninga kvenna á Íslandi í dag. Hann hefur kennt og unnið sem hönnuður í Bandaríkjunum frá 1996, en kenndi áður fatahönnun og fleira við Iðnskóla Reykjavíkur. Þar sá hann um uppsetningu Iðnhönnunarbrautar og stjórnaði henna fyrsta starfsárið. Karl hannaði einnig leikmyndir og búninga fyrir kvikmyndir og fjölda leikhúsverka, sem og iðnsýningar og listaverk. Hann er höfundur The Design Process, sem er notuð til kennslu í á fimmta tug háskóla í Bandaríkjunum. Næsta bók Karls, Fashioning Society, um hlutverk hátískuhönnunar í nútímaþjóðfélagi vesturlanda, kemur út í vor.

20.03.2009, 17:00 Design drawn from specific sites:Kristine Jensen, landslagsarkitekt heldur fyrirlestur en hún hlaut Rosa Barba verðlaunin 2008.

Að loknum fyrirlestrinum verða fyrstu blómin í innsetningunni „Betri tíð með blóm í haga“ sett niður, og veittar léttar veitingar í boði Norræna hússins.
Kristine Jensen hefur unnið til fjölda verðlauna á sviði Landslagsarkitektúrs, hún hlaut Rosa Barba verðlaunin í Barcelona árið 2008 fyrir útfærsluna á Nicolaj torgi sem verður m.a kynnt á fyrirlestrinum.
Kristine hefur rekið teiknistofuna AKJT í sínu nafni síðan 2001 í Árósum í Danmörku, hún er með 25 ára starfsreynslu bæði, verklega og við kennslu og rannsóknir frá því hún útskrifaðist frá Arkitektaskólanum í Árósum . Kristine er doktor í landslagsarkitektúr og hefur m.a kennt í þýskalandi, Bandaríkjunum, Noregi og Svíþjóð.
Verk teiknistofunnar einkennast af virðingu fyrir sögu staðarins, bæði í efni og landslagsarkitektúr og hæfni til að nýta nýjustu tækni til að skapa upplifanir. Nálgunin við verkefnin einkennast af fróðleiksfýsn og miklum metnaði í arktiektónískum lausnum, þar sem nútímatækni er notuð á sannfærandi hátt til að skapa nærumhverfi sem fólk vill nota, bæði í minni bæjarrýmum og torgum, sem og skipulagi.

www.kristinejensen.dk

21.03.2009, 14:00 "Slow Clothing": Guðrún Rógvadóttir segir frá tískumerkinu, Guðrun & Guðrun.

Á bak við færeyska tískumerkið, Guðrun & Guðrun, eru tvær færeyskar konur. Sköpunarferlið er undir miklum áhrifum frá einangrun Færeyja en þær samanstanda af 18 litlum eyjum. "Það er gott að komast til Evrópu til að sækja sér innblástur, en það skiptir einnig miklu máli að vera heima á Færeyjum í kyrrð og ró, fjarri hinum hraða takti tískuheimsins" segja Guðrun & Guðrun.
GudrunogGudrun

26.03.2009, 17:00 Peter Ingwersen frá tískumerkinu Noir: Sköpun vörumerkis

Fatahönnunarfélag Íslands hefur í samstarfi við Norræna húsið boðið Peter Ingwersen til landsins. Hann mun flytja okkur fyrirlestur sinn: “How to build a brand” en Peter Ingwersen hefur unnið hjá nokkrum af stærstu tískufyrirtækjum Evrópu og er núna framkvæmdastjóri danska tískufyrirtækisins Noir.
Noir

31.03.2009, 12:15 Tískuvikan í Kaupmannahöfn: Eva Kruse frá Danish Fashion Institute

Uppákomur

19.03.2009, 17:00 Opnun norræna tískutvíæringsins 20.03.2009 - 27.03.2009 Betri tíð með blóm í haga: Landslagsarkitektar setja niður umhverfislistaverk

Á hönnunardögum þann 27. mars mun FÍLA - félag íslenskra landslagsarkitekta afhjúpa innsetningu sem framkvæmd er á vegum félagsins í samvinnu við Norræna húsið. Innsetningin er framlag félagsins til hönnunardaganna, og markar jafnframt upphafið að fyrirlestraröð sem verður út þetta ár á vegum félagsins og Norræna hússins.
Hugmyndin er að búa til gula blómabreiðu sem búin verður til úr viðvörunarborðum og mun mynda samhangandi ábreiðu alveg frá Tjarnarendanum við Miklubraut og að Norræna húsinu. Með þessu viljum við vekja athygli á okkar fagi og þeim viðburðum sem félagið mun standa fyrir á þessu ári í samvinnu við Norrænahúsið.
Í verkinu felast einnig skilaboð um að fara að beina í ríkara mæli sjónum að nærumhverfi okkar, með því að gera verk sem er fallegt og lítur út fyrir að vera blómabreiða, en er um leið gert úr viðvörunarborðum, sem er táknrænt fyrir að við þurfum að vera á verði um hvernig við hönnum og meðhöndlum umhverfi okkar.
Í samvinnu við Nordic fashion Biennale styður innsetningin einnig við bleika hringekju, sem standa mun við Norræna húsið. Núverandi fánastangir verða nýttar til að mynda grænan vegg , með því að strengja dúk á milli þeirra. Veggurinn beinir sjónum að hringekjunni og mun einnig sjást vel frá Miklubrautinni og vera táknrænn fyrir okkar fag í sínum græna lit, sem jafnframt er litur Nordic Fashion Biennale ásamt bleikum.

Síðasta blómið verður sett niður 27.mars kl. 12.15 og í tilefni að því verður formleg opnun í Norræna húsinu. Tríó Tótu spilar létta og vorlega tónlist og gestum er boðið upp á grasasnafs og súpu frá veitingastaðnum Dill í Norræna húsinu.

Hlutverkasetur, miðstöð fyrir atvinnulaust fólk og fólk sem er að koma sér í gang eftir veikindi, aðstoðar bæði við gerð blómanna, býr þau til, og við gróðursetninguna.

22.03.2009, 15:15 15:15 Tónleikar

Klassíkera minnst á tímamótum
Camerarctica leikur létt klassísk verk fyrir flautu og strengi/klarinettu eftir F.J Haydn og Franz Krommer.
EInnig verður fluttur klarinettukvintett eftir C.M. von Weber

Miðaverð kr. 1500, en 750 fyrir öryrkja, eldri borgara og nemendur. Camerarctica

22.03.2009, 17:00 Yves Saint Laurent og Elle tímaritið: Franskar heimildarmyndir um bautasteina franskrar tísku

Þessi viðburður er unninn í samvinnu við Alliance Francaise á Íslandi sem einnig mun kynna myndirnar fyrir sýningu.

17.00 Yves Saint Laurent: Um myndina
19.00 Et Elle créa La Femme

27.03.2009, 12:15 Opnun á verki Landslagsarkitekta: Betri tíð með blóm í haga 5.04.2009 Heimildarmynd um íslenska tískuhönnun dagsins í dag 13.00, 15.00 og 16:00.

NORDIC HOUSE - Sturlugötu 5 - 101 Reykjavík - Ísland Opening Hours: Mo-Sun 8pm - 7pm

Download complete NFB program as PDF

<					April 2009
Su	Má	Þr	Mi	Fi	Fö	La
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30